Алматыдағы өрт салдарынан төрт адам ауруханаға жатқызылды, деп хабарлайды “Адырна” ұлттық порталы денсаулық сақтау басқармасының баспасөз қызметіне сілтеп.
«Өрт салдарынан төрт науқас қалалық ауруханаларға жеткізілді», - делінген хабарламада.
Барлық қажетті тексерулерден кейін үшеуі амбулаторлық емдеуге жіберілді.
«Біреуі ауруханаға жатқызылды, жағдайы ауыр. Науқасқа қажетті медициналық көмек толық көлемде көрсетілуде», - деп хабарлады денсаулық сақтау басқармасынан.
Еске сала кетейік, бұған дейін Алматыдағы өрт кезінде 23 адам қауіпсіз жерге эвакуацияланғанын жазған болатынбыз.
