الماتى اكىمدىگىنىڭ مالىمەتىنشە، وقيعا ورنىنان 35 بالا مەن قىزمەتكەرلەر دەر كەزىندە ەۆاكۋاتسيالاندى. زارداپ شەككەندەر جوق، دەپ حابارلايدى “ادىرنا”.
“بالالار قاۋىپسىز ورىندارعا ورنالاستىرىلدى، ولارعا قاجەتتى كومەك پەن قولداۋ كورسەتىلىپ جاتىر،” - دەلىنگەن حابارلامادا.
وقيعا ورنىندا الماتى اكىمى دارحان ساتىبالدى جانە قالالىق قۇرىلىمدىق بولىمدەردىڭ باسشىلارى ءجۇر.
“قازىرگى تاڭدا ۋاقىتشا ورنالاستىرۋ، تاماقتاندىرۋ جانە ماتەريالدىق قولداۋ شارالارى قامتاماسىز ەتىلىپ جاتىر. جاعداي باقىلاۋدا”، - دەپ حابارلادى اكىمدىكتىڭ ءباسپاسوز قىزمەتى.
تجم جالىننىڭ 1000 شارشى مەتر الاڭدا سوندىرىلگەنىن مالىمدەدى.
ەسكە سالايىق، بۇعان دەيىن الماتى قالاسىندا ءورت سوندىرۋشىلەر ناۋرىزباي اۋدانى التىن وردا كوشەسى بويىندا ورنالاسقان عيماراتتاعى ءورتتى ءسوندىرىپ جاتقانىن حابارلادىق.
