رۋدنىيدا پوليتسەيدى قاساقانا قاققان تۇرعىن جاۋاپكەرشىلىككە تارتىلدى، دەپ حابارلايدى "ادىرنا" ءتىلشىسى.
رۋدنىيلىق تۇرعىن ءتارتىپ ساقشىسىن قاققان. جۇرگىزۋشى بيلىك وكىلىنە قاتىستى زورلىق-زومبىلىق جاساعانى ءۇشىن "كىنالى" دەپ تانىلدى.
22 جەلتوقسان كۇنى رۋدنىيدا Toyota ماركالى كولىكتىڭ جۇرگىزۋشىسى «مۇگەدەكتەرگە ارنالعان تۇراققا» كولىگىن قويعان بولاتىن. زاڭ بۇزۋشىلىقتى بايقاعان پاترۋلدىك پوليتسيا قىزمەتكەرى جۇرگىزۋشىگە ەسكەرتۋ جاسايدى. الايدا اگرەسسيۆتى جۇرگىزۋشى وقيعا ورنىنان قاشپاق بولعان. ول پوليتسەيدى كولىكتىڭ كاپوتىندا 50 مەتردەي سۇيرەپ، ارتىنشا وقيعا ورنىنان ءىزىن سۋىتىپ ۇلگەرگەن.
سوت وعان پروباتسيالىق باقىلاۋدى بەلگىلەي وتىرىپ، 2 جىل باس بوستاندىعىن شەكتەۋدى تاعايىندادى.
