Ózine qol salǵan polıııa maıory óz ólimine bastyǵyn kinálap, hat jazǵan, dep habarlaıdy "Adyrna" tilshisi Otyrar.kz-ke siltep.
Marqumnyń týystary máıitiniń janynan óler aldyndaǵy qoshtasý haty tapqan. Ol jerde tártip saqshysy ólimine bastyǵyn kinálaǵan. Júzeevter otbasy arada eki aı ótse de tergeýdiń mardymsyz júrip jatqanyn aıtyp, ajalǵa sebep bolǵandardyń qatań túrde jazaǵa tartylýyn suraıdy.
Áziretáli Júzeevtiń uly Ratbek Júzeev bıyl 12 naýryz kúni óz-ózine qol jumsap qaıtys boldy. Ulynan aıyrylǵan áke:
"11 kúni keshki 17:00-de polıııa bastyǵy Qýashbaev Ǵalymjan maǵan zvondady. «Siz Ratbektiń papasysyz ba?» dep, «Iá» dedim. «Siz kelip ketińiz maǵan, Ratbektiń artynan qylmys qozǵalaıyn dep jatyr» dedi. 240 myń aqsha myltyqqa qaryz eken dep. 240 myń qaryz bolsa, men-aq bere salaıyn" dedim. Ol maǵan balamdy ákelýdi surady", - dedi.
Áziretáli Júzeev ulyna habarlasyp mán jaıdy suraǵan. Marqum Ratbek bastyǵynyń ózinen «ornyn bosatýdy talap etkenin, kelispegen soń, ózi joq kezde qyzmetin aýystyryp jibergenin» jetkizipti.
«Ákesine, naǵashysyna qarý istep bergenmin. Sol nárseniń bárin tegin istep bergenmin. «Ishkenderiń, lıshenıege ketkenderge toltyrǵan protokoldardy joq qylyp, aqshasyn maǵan ákep ber» dedi. Men «ol tirlikti isteı almaımyn» dedim. «Istemeseń ornyńdy bosat» dedi. Isteıtin, aqsha alatyn adam ornyńa tabylady. Sonymen meni qyzmetten bosatty», dep aıtty ulym»,- deıdi marqumnyń ákesi.
Marqumnyń týystary Rátbek Júzeevke qysym kórsetilgenine senimdi. Marqum qaldyrǵan hatta ata-anasy men balalaryn jaqsy kóretinin aıtyp, óz ólimine kináli adamnyń aty-jónin jazyp ketken.
«7 naýryz kúni «mama, men sizdi jaqsy kórem» dep jazǵan. Sol kezde qaryndastaryna da jazypty, biraq ony meıramǵa jazǵan shyǵar dep oıladyq. 12 naýryz kúni «mama keshirińizshi» dep jazǵannan keıin, nege bulaı jazdy dep ózine zvondadym. Almaǵan soń, qyzyna zvondadym. Ol «maǵan da súıtip jazdy, mestopolojenıe» jiberdi dedi. Onysy nesi, «ólseń osy jerden taýyp alasyńdar» degeni shyǵar dep, izdep, qyzym men kúıeý balam tapty ǵoı»,- dedi marqumnyń anasy Kúljamash Júzeeva.
33 jasynda ómirden ótken marqumnyń týystary kináli adam tabylyp, óz jazasyn alsa eken deıdi. Marqum Ratbek Júzeevtiń artynda 2 ul jáne qyzy qaldy.
