اقتوبە وبلىسىندا 10-سىنىپ وقۋشىسى مەن 1998 جىلعى ازامات وزەننەن تابىلدى، دەپ حابارلايدى "ادىرنا" ۇلتتىق پورتالى.
اقپاراتقا قاراعاندا، وقۋشى 30 قاراشا كۇنى ۇيىنەن شىعىپ، مونشادا جۇمىس ىستەيتىن دوسىنا كومەكتەسۋگە كەتكەن. الايدا ول كەيىن ۇيىنە ورالماعان. جوعالعانى بەلگىلى بولعان سوڭ ەرىكتىلەر مەن قۇتقارۋشىلار ىزدەۋ جۇمىستارىن باستاعان.
ىزدەستىرۋ-قۇتقارۋ شارالارىنا تجد كۇشتەرى، تجم 20982 اسكەري ءبولىمىنىڭ اسكەري قىزمەتشىلەرى، پوليتسيا قىزمەتكەرلەرى، دروندار، كينولوگتار جانە سۇڭگۋىرلەر تارتىلدى. جۇمىس بارىسىندا ءجاسوسپىرىمنىڭ دەنەسى سۋدان تابىلىپ، پوليتسياعا تاپسىرىلدى.
سونىمەن قاتار، ىزدەستىرۋ بارىسىندا 1998 جىلعى ازاماتتىڭ دەنەسى وزەن جاعاسىنان 30 مەتر قاشىقتىقتان تابىلدى. جەكە زاتتاردان، ونىڭ ىشىندە ۇيالى تەلەفوندارىنان ەشقانداي زورلىق-زومبىلىق بەلگىلەرى انىقتالعان جوق.
قازىر وقيعانىڭ تولىق ءمان-جايى انىقتالۋدا، تەرگەۋ امالدارى جۇرگىزىلىپ جاتىر.
