ماڭعىستاۋدا اۋدان پروكۋرورىنىڭ بۇرىنعى ورىنباسارى ابايسىزدا كىسى ءولتىرىپ العانى ءۇشىن 1,5 جىلعا سوتتالدى، دەپ جازادى "ادىرنا" ءتىلشىسى inbusiness.kz سايتىنا سىلتەپ.
سوتتا 2023 جىلدىڭ جەلتوقسان ايىندا ماڭعىستاۋ وبلىسى مۇنايلى اۋدانى پروكۋرورىنىڭ بۇرىنعى ورىنباسارى اقتاۋ قالاسىنىڭ مەملەكەتتىك كىرىستەر باسقارماسى باسشىسىنىڭ ورىنباسارى، جابىرلەنۋشىمەن جانجالداسىپ، اقىرىندا ونى اۋىر سوققىعا جىققانى انىقتالعان بولاتىن. سوققىنىڭ سالدارىنان جابىرلەنۋشى جەرگە قۇلاپ، ەسىن جيماستان قايتىس بولعان.
سوتتالۋشى كىناسى سوت ساراپتامالارىنىڭ قورىتىندىلارىمەن جانە ءىستىڭ باسقا ماتەريالدارىمەن دالەلدەنىپ وتىر.
ءجارىسسوز بارىسىندا مەملەكەتتىك ايىپتاۋشى باستاپقى ايىپتى وزگەرتىپ، ت-نى قك-ءنىڭ 104-بابىنىڭ 1-بولىگىندە كوزدەلگەن قىلمىستى جاساعانى ءۇشىن كىنالى دەپ تانۋدى سۇراپ، ءىس وزگەرتىلگەن ايىپ بويىنشا قارالعان.
"سوتتالۋشى ت. وزگەرتىلگەن ايىپ بويىنشا قك-ءنىڭ 104-بابىنىڭ 1-بولىگىمەن (ابايسىزدا قازاعا ۇشىراتقانى ءۇشىن) كىنالى دەپ تانىلىپ، وعان 1 جىل 6 ايعا باس بوستاندىعىنان شەكتەۋ جازاسى تاعايىندالدى. ۇكىم زاڭدى كۇشىنە ەنگەن جوق. قازىرگى تاڭدا ءىس اپەللياتسيالىق سوت القاسىندا قارالۋدا", - دەلىنگەن اقتاۋ قالالىق سوتىنىڭ حابارلاماسىندا.
