جامبىل وبلىسى بايزاق اۋدانىنىڭ پروكۋراتۋراسى 465 گەكتار جەردى زاڭسىز بەرۋ فاكتىسىن جانە پايدالانىلماي جاتقان 4292 گەكتار جەر تەلىمىن انىقتادى. بۇل تۋرالى وبلىستىق پروكۋراتۋرا ايتتى، دەپ حابارلايدى «ادىرنا» ءتىلشىسى.
بۇل ۋچاسكەلەردىڭ كاداسترلىق قۇنى 55 ملن تەڭگەدەن اسادى.
«جەرگىلىكتى اتقارۋشى ورگانعا ەنگىزىلگەن پروكۋرورلىق قاداعالاۋ اكتىسى نەگىزىندە سوتقا دەيىنگى تارتىپپەن پايدالانىلماي جاتقان جەر ۋچاسكەلەرى تولىق قايتارىلدى. ال قالعان زاڭسىز بەرىلگەن جەرلەر بويىنشا سوتقا جەردى جالعا الۋ شارتتارىن جارامسىز دەپ تانۋ تۋرالى تالاپ ارىز بەرىلدى»،— دەلىنگەن حابارلامادا.
جامبىل وبلىسى بويىنشا مامانداندىرىلعان اۋدانارالىق ەكونوميكالىق سوتتىڭ 13.02.2024 جىلعى شەشىمىمەن تالاپ ارىز قاناعاتتاندىرىلىپ، 465 گەكتار جەر مەملەكەتكە قايتارىلدى.
بۇل جەر ۋچاسكەلەرى الداعى ۋاقىتتا شارۋا قوجالىقتارىنا زاڭدا بەلگىلەنگەن تارتىپپەن بەرۋ ارقىلى شارۋاشىلىق اينالىمىنا تارتىلادى.
