قازاقستان حالقى اسسامبلەياسىنىڭ قاراعاندى وبلىسىنداعى وكىلدەرى "تازا قازاقستان" رەسپۋبليكالىق ەكولوگيالىق اكتسياسىن قولدادى. "جاسىل ايماق" اپتالىعى اياسىندا ەتنومادەني بىرلەستىكتەردىڭ وكىلدەرى كاسىپكەرلەرمەن، ەرىكتىلەرمەن بىرگە ءاليحان بوكەيحان اتىنداعى اۋدانعا بال وسىمدىكتەرىن ەكتى دەپ حابارلايدى Adyrna.kz ءتىلشىسى.
"اكتسيانىڭ باستى ماقساتى – قورشاعان ورتاعا ۇقىپتى قاراۋ مادەنيەتىن قالىپتاستىرۋ، ازاماتتىق جاۋاپكەرشىلىكتى ارتتىرۋ جانە ەكولوگيالىق مادەنيەتتى نىعايتۋ", – دەپ اتاپ ءوتتى قاراعاندى وبلىسىنىڭ قحا.
كوگىلدىر توعاندارداعى اللەيالاردىڭ بىرىنە 50 قاراعان بۇتالارى مەن بەس شىرشا وتىرعىزىلدى.
– ءبىز سارى قاراعاندى بەكەردەن تاڭداعان جوقپىز. بۇل بال وسىمدىگى ادەمى، ونىڭ ۇستىنە وتە قاراپايىم، قۇرعاقشىلىققا ءتوزىمدى، توپىراقتى ازوتپەن بايىتادى، – دەپ اتاپ ءوتتى قحا انالار كەڭەسىنىڭ مۇشەسى ديا ەرجانوۆا.
كوشەتتەر ەگۋگە جەرگىلىكتى تۇرعىندار دا قوسىلدى، ولار بۇل اللەيادا بالالارمەن ءجيى سەرۋەندەيتىنىن ايتادى.
جەرگىلىكتى بيلىكتىڭ مالىمەتىنشە، بيىل ءاليحان بوكەيحان اتىنداعى اۋدانعا 10 مىڭعا جۋىق جاسىل جەلەك ەگۋ كوزدەلىپ وتىر.
