Qazaqstan halqy Assambleıasynyń Qaraǵandy oblysyndaǵy ókilderi "Taza Qazaqstan" respýblıkalyq ekologııalyq akııasyn qoldady. "Jasyl aımaq" aptalyǵy aıasynda etnomádenı birlestikterdiń ókilderi kásipkerlermen, eriktilermen birge Álıhan Bókeıhan atyndaǵy aýdanǵa bal ósimdikterin ekti dep habarlaıdy Adyrna.kz tilshisi.
"Akııanyń basty maqsaty – qorshaǵan ortaǵa uqypty qaraý mádenıetin qalyptastyrý, azamattyq jaýapkershilikti arttyrý jáne ekologııalyq mádenıetti nyǵaıtý", – dep atap ótti Qaraǵandy oblysynyń QHA.
Kógildir toǵandardaǵy alleıalardyń birine 50 qaraǵan butalary men bes shyrsha otyrǵyzyldy.
– Biz sary qaraǵandy bekerden tańdaǵan joqpyz. Bul bal ósimdigi ádemi, onyń ústine óte qarapaıym, qurǵaqshylyqqa tózimdi, topyraqty azotpen baıytady, – dep atap ótti QHA Analar keńesiniń múshesi Dııa Erjanova.
Kóshetter egýge jergilikti turǵyndar da qosyldy, olar bul alleıada balalarmen jıi serýendeıtinin aıtady.
Jergilikti bıliktiń málimetinshe, bıyl Álıhan Bókeıhan atyndaǵy aýdanǵa 10 myńǵa jýyq jasyl jelek egý kózdelip otyr.
