"رەسەي مەن قازاقستان شەكاراشىلارى اراسىندا جانجال شىقتى" دەپ جالعان ۆيدەو تاراتقان قوستانايلىق ازاماتقا قاتىستى ۇكىم شىعارىلدى، دەپ حابارلايدى “ادىرنا” ۇلتتىق پورتالى توبولينفو سايتىنا سىلتەپ.
«بۇل- قوستانايداعى فەدوروۆسكايا تاس جولى. قازاقستان شەكاراسىندا قارابالىق شەكاراشىلارى اراسىندا قاقتىعىس بولدى. رەسەي جاعى بىردەڭە ىستەپ، اتىپ تاستادىق دەيدى. مىنە، ولار سوندا بارا جاتىر. سۇمدىق، قوستانايدا سوعىس باستالدى»، — دەپ پىكىر قالدىرعان ەر ادام جالعان ۆيدەونى WhatsApp جەلىسىندەگى توپتىق چاتقا جىبەرگەن.
ۆيدەودا اسكەري تەحنيكانىڭ كولونناسى كورسەتىلگەن. ىشكى ىستەر مينيسترلىگى بۇل جالعان اقپارات دەپ جاۋاپ بەردى. شىندىعىندا، بۇل اتىس جاتتىعۋى ءۇشىن پوليگونعا كوشىپ بارا جاتقان قازاقستان رەسپۋبليكاسى ۇلتتىق ۇلانىنىڭ اسكەري ءبولىمىنىڭ تەحنيكاسى بولاتىن.
بەينەجازبا YouTube جەلىسىنەن ءبىر-اق شىقتى. سوعىس باستالدى دەگەن حابار جۇرتشىلىق اراسىندا دۇربەلەڭ تۋدىرعان.
52 جاستاعى قوستاناي تۇرعىنى ءوز كىناسىن مويىنداپ، جاساعان ارەكەتىنە وكىندى. ءىس سوتتا قىسقارتىلعان تارتىپتە قارالدى.
سوت قوستانايلىق ازاماتقا بەلگىلى ءبىر مىندەتتەر جۇكتەي وتىرىپ، جازانىڭ بارلىق مەرزىمىنە پروباتسيالىق باقىلاۋ ورناتۋ ارقىلى 1 جىلعا باس بوستاندىعىن شەكتەۋ جازاسىن تاعايىندادى.
