"Resei men Qazaqstan şekaraşylary arasynda janjal şyqty" dep jalǧan video taratqan qostanailyq azamatqa qatysty ükım şyǧaryldy, dep habarlaidy “Adyrna” ūlttyq portaly Tobolİnfo saityna sıltep.
«Būl- Qostanaidaǧy Fedorovskaia tas joly. Qazaqstan şekarasynda Qarabalyq şekaraşylary arasynda qaqtyǧys boldy. Resei jaǧy bırdeŋe ıstep, atyp tastadyq deidı. Mıne, olar sonda bara jatyr. Sūmdyq, Qostanaida soǧys bastaldy», — dep pıkır qaldyrǧan er adam jalǧan videony WhatsApp jelısındegı toptyq chatqa jıbergen.
Videoda äskeri tehnikanyŋ kolonnasy körsetılgen. Işkı ıster ministrlıgı būl jalǧan aqparat dep jauap berdı. Şyndyǧynda, būl atys jattyǧuy üşın poligonǧa köşıp bara jatqan Qazaqstan Respublikasy Ūlttyq ūlanynyŋ äskeri bölımınıŋ tehnikasy bolatyn.
Beinejazba YouTube jelısınen bır-aq şyqty. Soǧys bastaldy degen habar jūrtşylyq arasynda dürbeleŋ tudyrǧan.
52 jastaǧy Qostanai tūrǧyny öz kınäsın moiyndap, jasaǧan äreketıne ökındı. Is sotta qysqartylǧan tärtıpte qaraldy.
Sot qostanailyq azamatqa belgılı bır mındetter jüktei otyryp, jazanyŋ barlyq merzımıne probasiialyq baqylau ornatu arqyly 1 jylǧa bas bostandyǧyn şekteu jazasyn taǧaiyndady.
Ūqsas jaŋalyqtar
