قازاقستان پرەزيدەنتى قاسىم-جومارت توقاەۆ قازاقستان حالقى اسسامبلەياسى (قحا) توراعاسىنىڭ ورىنباسارلارىن قابىلدادى، دەپ حابارلايدى "ادىرنا" ۇلتتىق پورتالى اقوردانىڭ ءباسپاسوز قىزمەتىنە سىلتەپ.
«قاسىم-جومارت توقاەۆ قازاقستان حالقى اسسامبلەياسى توراعاسىنىڭ جاڭادان تاعايىندالعان ورىنباسارلارى يۋري شين مەن لۋگمار بۋلاروۆتى قۇتتىقتاپ، ولاردىڭ بىرلىكتى نىعايتۋ، قوعامدىق كەلىسىمدى ساقتاۋ ىسىندەگى جاۋاپتى قىزمەتىنە ساتتىلىك تىلەدى. قحا توراعاسىنىڭ ورىنباسارى – حاتشىلىق مەڭگەرۋشىسى مارات ءازىلحانوۆ قاسىم-جومارت توقاەۆقا بۇعان دەيىن بەرىلگەن تاپسىرمالاردىڭ ورىندالۋى جانە اسسامبلەيانىڭ ءXXXIIى سەسسياسىنا دايىندىق بارىسى جونىندە ەسەپ بەردى»، - دەلىنگەن سارسەنبىدە تاراعان حابارلامادا.
مەملەكەت باسشىسى بىرقاتار ايماقتاردا ورىن العان سۋ تاسقىنى جاعدايىنا بايلانىستى اسسامبلەيانىڭ اعىمداعى وتىرىسىن ونلاين فورماتتا وتكىزۋ تۋرالى شەشىم قابىلداعانىن ايتتى. ءىس-شاراعا ايماقتىق قحا مۇشەلەرى ونلاين رەجيم ارقىلى قاتىسادى.
«قاسىم-جومارت توقاەۆ اسسامبلەيا جۇمىسىن ودان ءارى جەتىلدىرۋ جونىندە بىرقاتار ناقتى تاپسىرما بەردى»، - دەپ تولىقتىردى اقوردا.
