Qazaqstan Prezıdenti Qasym-Jomart Toqaev Qazaqstan halqy Assambleıasy (QHA) Tóraǵasynyń orynbasarlaryn qabyldady, dep habarlaıdy "Adyrna" ulttyq portaly Aqordanyń baspasóz qyzmetine siltep.
«Qasym-Jomart Toqaev Qazaqstan halqy Assambleıasy Tóraǵasynyń jańadan taǵaıyndalǵan orynbasarlary Iýrıı Shın men Lýgmar Býlarovty quttyqtap, olardyń birlikti nyǵaıtý, qoǵamdyq kelisimdi saqtaý isindegi jaýapty qyzmetine sáttilik tiledi. QHA Tóraǵasynyń orynbasary – Hatshylyq meńgerýshisi Marat Ázilhanov Qasym-Jomart Toqaevqa buǵan deıin berilgen tapsyrmalardyń oryndalýy jáne Assambleıanyń XXXIII sessııasyna daıyndyq barysy jóninde esep berdi», - delingen sársenbide taraǵan habarlamada.
Memleket basshysy birqatar aımaqtarda oryn alǵan sý tasqyny jaǵdaıyna baılanysty Assambleıanyń aǵymdaǵy otyrysyn onlaın formatta ótkizý týraly sheshim qabyldaǵanyn aıtty. Is-sharaǵa aımaqtyq QHA músheleri onlaın rejım arqyly qatysady.
«Qasym-Jomart Toqaev Assambleıa jumysyn odan ári jetildirý jóninde birqatar naqty tapsyrma berdi», - dep tolyqtyrdy Aqorda.
