توپتىق ساداق اتۋدان قازاقستان ايەلدەر قۇراماسى قىتايدا ءوتىپ جاتقان الەم كۋبوگىندا قولا مەدال جەڭىپ الدى، دەپ حابارلايدى "ادىرنا" ۇلتتىق پورتالى ۇلتتىق وليمپيادا كوميتەتىنىڭ (ۇوك) ءباسپاسوز قىزمەتىنە سىلتەپ.
«ساداق اتۋدان قازاقستان ايەلدەر قۇراماسى شانحايدا (قىتاي) وتكەن الەم كۋبوگىندا قولا مەدال جەڭىپ الدى. باعدارلامانىڭ بۇل تۇرىنە ەلىمىزدىڭ اتىنان ادەل جەكسەنبينوۆا، ۆيكتوريا ليان جانە ايجان سەيداحمەتوۆا قاتىستى. ءۇشىنشى ورىن ءۇشىن وتكەن كەزدەسۋدە قازاقستان قۇراماسى ەستونيادان باسىم ءتۇستى. كەزدەسۋ 231-224 ۇپايىمەن اياقتالدى»، - دەلىنگەن سارسەنبى كۇنگى حاباردا.
شيرەك فينالدا قازاقستان قۇراماسى وڭتۇستىك كورەيانى 234:230 ەسەبىمەن جەڭىپ، جارتىلاي فينالدا يتالياندىقتاردان ءبىر ۇپاي ايىرماشىلىعىمەن ۇتىلىپ قالعانى اتاپ ءوتىلدى.
بۇل جۇلدە قازاقستان ايەلدەر قۇراماسى ءۇشىن الەم چەمپيوناتىندا جەڭىپ العان تاريحتاعى تۇڭعىش جۇلدە بولدى.
