Toptyq sadaq atýdan Qazaqstan áıelder quramasy Qytaıda ótip jatqan álem kýbogynda qola medal jeńip aldy, dep habarlaıdy "Adyrna" ulttyq portaly Ulttyq Olımpıada komıtetiniń (UOK) baspasóz qyzmetine siltep.
«Sadaq atýdan Qazaqstan áıelder quramasy Shanhaıda (Qytaı) ótken álem kýbogynda qola medal jeńip aldy. Baǵdarlamanyń bul túrine elimizdiń atynan Adel Jeksenbınova, Vıktorııa Lıan jáne Aıjan Seıdahmetova qatysty. Úshinshi oryn úshin ótken kezdesýde Qazaqstan quramasy Estonııadan basym tústi. Kezdesý 231-224 upaıymen aıaqtaldy», - delingen sársenbi kúngi habarda.
Shırek fınalda Qazaqstan quramasy Ońtústik Koreıany 234:230 esebimen jeńip, jartylaı fınalda ıtalıandyqtardan bir upaı aıyrmashylyǵymen utylyp qalǵany atap ótildi.
Bul júlde Qazaqstan áıelder quramasy úshin álem chempıonatynda jeńip alǵan tarıhtaǵy tuńǵysh júlde boldy.
