گۆاردەيسك گارنيزونىندا ساربازدىڭ قازا تابۋىنا بايلانىستى اسكەري ءبولىم روتاسىنىڭ كومانديرىنە قاتىستى قىلمىستىق ءىس بويىنشا تەرگەۋ اياقتالدى. بۇل تۋرالى باس اسكەري پروكۋراتۋرا جازدى، دەپ حابارلايدى "ادىرنا".
ۆەدومستۆو مالىمەتىنشە، بيىل 27 قاڭتار كۇنى سارباز ە. رۋستەمۇلىنىڭ قازا بولۋ سەبەپتەرىنىڭ ءبىرى بولعان گۆاردەيسك گارنيزونىنداعى اسكەري ءبولىم روتا كومانديرىنىڭ قىزمەتكە سالعىرت قاراۋى بويىنشا قىلمىستىق ءىستى تەرگەۋ اياقتالدى.
«تەرگەۋمەن لاۋازىمدى تۇلعانىڭ جەكە قۇرامنىڭ قىزمەتىن جانە اسكەري قىزمەتشىلەردىڭ قارۋدى قولدانۋىن باقىلاماعانى، سونىمەن قاتار قازا بولعان ساربازدىڭ قىزمەتتەستەرىنە قاتىستى بيلىك وكىلەتتىگىن اسىرا پايدالانعانى انىقتالدى.
قىسقا مەرزىم ىشىندە قاجەتتى دالەلدەر جينالىپ، قىلمىستىق ءىس سوتقا قاراۋ ءۇشىن جولداندى. ساربازدىڭ ولىمىنە قاتىستى باسقا دا ءمان-جايلاردى تەرگەۋ ءىس-شارالارى جالعاسىپ جاتىر، تەرگەۋ بارىسى باس اسكەري پروكۋراتۋرانىڭ ەرەكشە باقىلاۋىندا»، – دەلىنگەن حابارلامادا.
قىلمىستىق-پروتسەستىك كودەكستىڭ 201-بابى بويىنشا، الدىن الا تەرگەۋ دەرەكتەرىنىڭ باسقا مالىمەتتەرى جاريالاۋعا جاتپايدى.
ايتا كەتەيىك، جامبىل وبلىسىندا 27 قاڭتار كۇنى قارۋ ۇستاپ جۇرگەن سارباز جاراقات الىپ كوز جۇمعان بولاتىن.
مالىمەت بويىنشا، مەرزىمدى اسكەري قىزمەتكەر سنايپەرلىك مىلتىقپەن ءوزىن-ءوزى اتىپ ولتىرگەن.
