يران پرەزيدەنتى يبراحيم رايسي "ەگەر يزرايل يران اۋماعىنا اگرەسسيا جاساسا، جويىپ جىبەرەمىز" دەپ قورقىتتى، دەپ حابارلايدى “ادىرنا” ۇلتتىق پورتالى IRNA اقپارات اگەنتتىگىنە سىلتەپ.
يبراحيم رايسي پاكىستاننىڭ پەندجاب قالاسىنىڭ ەليتاسىمەن كەزدەسۋىندە:
«ەگەر يزرايل رەجيمى تاعى دا قاتەلەسىپ، قاسيەتتى يران جەرىنە شابۋىل جاساسا، جاعداي باسقاشا بولادى جانە بۇل رەجيمنەن بىردەڭە قالار-قالماسى بەلگىسىز»، - دەدى. .
پرەزيدەنت ءساۋىر ايىنىڭ باسىندا يراننىڭ سيرياداعى يران كونسۋلدىعى عيماراتىنا «ارسىز شابۋىلى» ءۇشىن ءيزرايلدى زىمىراندىق سوققىمەن «جازالاعانىن» اتاپ ءوتتى.
ەسكە سالا كەتەيىك، ءساۋىر ايىنىڭ 14-ىنە قاراعان ءتۇنى يران يزرايلگە قاراي 300-گە جۋىق زىمىران مەن ۇشقىشسىز ۇشاقتار ۇشىردى. بۇل سوققى يراننىڭ داماسكتەگى كونسۋلدىعىنا جاسالعان شابۋىلعا جاۋاپ بولىپ، بەس يراندىق سارباز قازا تاپتى. يزرايل قورعانىس كۇشتەرى يراننىڭ 14 ساۋىردەگى سوققىسى كەزىندە نىسانالاردىڭ 99%-ى ۇستالعانىن حابارلادى. وسى وقيعادان بىرنەشە كۇننەن سوڭ يزرايل يرانداعى اسكەري نىسانداردى اتقىلاعان. يران سونىڭ قارىمتاسىن «ۇلكەن كۇشپەن» قايتارۋعا ۋادە بەردى.