Iran prezıdenti Ibrahım Raısı "eger Izraıl Iran aýmaǵyna agressııa jasasa, joıyp jiberemiz" dep qorqytty, dep habarlaıdy “Adyrna” ulttyq portaly IRNA aqparat agenttigine siltep.
Ibrahım Raısı Pákistannyń Pendjab qalasynyń elıtasymen kezdesýinde:
«Eger Izraıl rejımi taǵy da qatelesip, qasıetti Iran jerine shabýyl jasasa, jaǵdaı basqasha bolady jáne bul rejımnen birdeńe qalar-qalmasy belgisiz», - dedi. .
Prezıdent sáýir aıynyń basynda Irannyń Sırııadaǵy Iran konsýldyǵy ǵımaratyna «arsyz shabýyly» úshin Izraıldi zymyrandyq soqqymen «jazalaǵanyn» atap ótti.
Eske sala keteıik, sáýir aıynyń 14-ine qaraǵan túni Iran Izraılge qaraı 300-ge jýyq zymyran men ushqyshsyz ushaqtar ushyrdy. Bul soqqy Irannyń Damasktegi konsýldyǵyna jasalǵan shabýylǵa jaýap bolyp, bes ırandyq sarbaz qaza tapty. Izraıl qorǵanys kúshteri Irannyń 14 sáýirdegi soqqysy kezinde nysanalardyń 99%-y ustalǵanyn habarlady. Osy oqıǵadan birneshe kúnnen soń Izraıl Irandaǵy áskerı nysandardy atqylaǵan. Iran sonyń qarymtasyn «úlken kúshpen» qaıtarýǵa ýáde berdi.
