قاراعاندىدا "تازا بۇلاق" ەكولوگيالىق اكتسياسى ءوتتى. وعان 500-دەن استام ادام قاتىستى. ەرىكتىلەر، ارداگەرلەر، دەپۋتاتتار، وقۋشىلار مەن تابيعاتقا جاناشىر قاراعاندىلىقتار بۇقپا وزەنى جانە فەدوروۆ سۋ قويماسىنىڭ جاعالاۋىن قوقىستان تازارتتى.
ءبىلىم بەرۋ سالاسىنىڭ ارداگەرى وزبەك بيمەدين № 76 جانە 8 جالپى ءبىلىم بەرەتىن مەكتەپ وقۋشىلارىن وسى ناۋقانعا جۇمىلدىردى. قاريا بۇل اكتسيا قورشاعان ورتانى بولاشاق ۇرپاق ءۇشىن ساقتاۋعا دەگەن ۇمتىلىس. سونداي-اق قالا تۇرعىندارىنىڭ باسىن بىرىكتىرەتىن بىرەگەي جوبا دەيدى.
قالانىڭ جاستار رەسۋرستىق ورتالىعىنىڭ باسشىسى ياكۋب دجامالوۆ تۇرعىنداردى جاۋاپتىلىق تانىتۋعا جانە تابيعاتقا ۇقىپتى قاراۋعا شاقىردى. ول قالانىڭ تازالىعى مەن جايلىلىعى ارقايسىمىزعا بايلانىستى ەكەنىن اتاپ ءوتتى.
قاراعاندى وبلىسىندا "تازا قازاقستان" اۋقىمدى ەكولوگيالىق اكتسياسى جالعاسىپ جاتىر. ءار اپتا بەلگىلى ءبىر اتاۋمەن وتەدى. بۇل جەتىكۇندىك "جاسىل ايماق" دەپ اتالادى جانە اعاش ەگۋگە، اۋماقتى كوگالداندىرۋعا ارنالعان.
