اقتوبە وبلىسىنىڭ پروكۋراتۋراسى 200-دەن استام كاسىپكەرلەردى اكىمشىلىك جاۋاپكەرشىلىككە تارتۋ تۋرالى زاڭسىز قاۋلىلاردىڭ كۇشىن جويدى. بۇل تۋرالى پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، حرومتاۋ اۋدانى بويىنشا مەملەكەتتىك كىرىستەر باسقارماسى كاسىپكەرلەردىڭ قاتىسۋىنسىز اقبتك-ءنىڭ 272-بابى بويىنشا («مەملەكەتتىك كىرىستەر ورگانىنا سالىق ەسەپتىلىگىن ۇسىنباۋ») 45 كاسىپكەردى اكىمشىلىك جاۋاپكەرشىلىككە تارتقان. ال اقبتك-گە سايكەس، اكىمشىلىك قۇقىقبۇزۋشىلىق تۋرالى ىستەر وزىنە قاتىستى ءىس جۇرگىزىلىپ جاتقان ادامنىڭ قاتىسۋىمەن قارالادى.
سونىمەن قاتار، اقتوبە قالاسى جانە مۇعالجار اۋدانى بويىنشا مەملەكەتتىك كىرىستەر باسقارماسى 178 كاسىپكەرگە اقبتك-ءنىڭ 92-1-بابى بويىنشا («قازاقستان رەسپۋبليكاسىنىڭ مىندەتتى الەۋمەتتىك مەديتسينالىق ساقتاندىرۋ تۋرالى زاڭناماسىن بۇزۋ») جاۋاپكەرشىلىككە تارتۋ مەرزىمى اياقتالعاننان كەيىن زاڭسىز ايىپپۇل سالعان.
پروكۋراتۋرا 223 جەكە كاسىپكەرگە قاتىستى اكىمشىلىك قۇقىقبۇزۋشىلىق تۋرالى قاۋلىلاردىڭ كۇشىن جويىپ، كاسىپكەرلەردىڭ قۇقىعىن قورعادى.
اقتوبە قالاسى، حرومتاۋ جانە مۇعالجار اۋداندارى بويىنشا مەملەكەتتىك كىرىستەر باسقارماسىنىڭ كىنالى لاۋازىمدى تۇلعالارى تارتىپتىك جاۋاپكەرشىلىككە تارتىلدى.
