اقتوبە وبلىسىندا كوكتەمگى سۋ تاسقىنى سالدارىنان «قاندىاعاش – ەمبى – شالقار – ىرعىز» اۆتوجولىنىڭ ءبىر بولىگى سۋ استىندا قالدى. وسىعان بايلانىستى 2025 جىلعى 18 ناۋرىز ساعات 07:00-دەن باستاپ بارلىق كولىك تۇرلەرىنىڭ قوزعالىسىنا شەكتەۋ ەنگىزىلدى. بۇل تۋرالى «قازاۆتوجول» مالىمدەدى, دەپ حابارلايدى “ادىرنا” ۇلتتىق پورتالى.
مالىمەت بويىنشا، سۋ دەڭگەيىنىڭ كوتەرىلۋى جەم وزەنى كوپىرىنىڭ ماڭىنداعى اينالما جولدىڭ شامامەن 100 مەترلىك بولىگىن سۋ باسۋىنا الىپ كەلدى. سۋ بيىكتىگى 50 سم-گە دەيىن جەتكەن. قاۋىپسىزدىكتى قامتاماسىز ەتۋ ماقساتىندا قاندىاعاش قالاسى مەن ەمبى قالاسى اراسىنداعى 3-92 شاقىرىم ارالىعىندا كولىك قوزعالىسى توقتاتىلدى.
توتەنشە جاعدايلار قىزمەتى ازاماتتارعا جولعا شىقپاس بۇرىن اۋا رايى جاعدايى مەن جولداردىڭ اشىقتىعى تۋرالى اقپاراتتى قاداعالاۋعا كەڭەس بەرەدى.
جەرگىلىكتى بيلىك پەن قۇتقارۋ قىزمەتتەرى جاعدايدى باقىلاۋدا ۇستاپ وتىر. مامانداردىڭ ايتۋىنشا، سۋ دەڭگەيى تۇراقتالعاننان كەيىن جول قايتا اشىلادى. ازىرگە تاسقىنعا بايلانىستى اقتوبە وبلىسىندا باسقا دا ۋچاسكەلەردە جولدىڭ جابىلۋ قاۋپى بار.
