14 ءساۋىر كۇنى «اقتوبە وبلىسىنىڭ مادەنيەت، ارحيۆتەر جانە قۇجاتتاما باسقارماسى» مەملەكەتتىك مەكەمەسى «اقتوبە وبلىسى بويىنشا ورتاعاسىرلىق ەسكەرتكىشتەردى زەرتتەۋ» دەگەن تاقىرىپپەن تەندەر جاريالاپ، وبلىس قازىناسىنان 29 017 857.14 قارجى بولگەن، - دەپ حابارلايدى ادىرنا ۇلتتىق پورتالىنىڭ ءتىلشىسى goszakup.gov.kz/ سايتىنا سىلتەمە جاساپ.
تەندەردى الكەي مارعۇلان اتىنداعى ارحەولوگيا ينستيتۋتى جەڭىپ العان. تەحنيكالىق سيپاتتامادا «اقتوبە وبلىسىنىڭ ورتاعاسىرلار ەسكەرتكىشتەرىن زەرتتەۋ» جوباسىنىڭ اياقتالۋ مەرزىمى 30 قاراشا دەپ تايعا تاڭبا باسقانداي كورسەتىلگەن. ياعني، عالىمدار 2-2,5 ايدىڭ ىشىندە قوبدا، تەمىر، حرومتاۋ، مۇعالجار اۋداندارىندا دالالىق ارحەولوگيالىق زەرتتەۋلەردى جۇرگىزىپ ۇلگەرۋى كەرەك دەگەن ءسوز.
وسى ەكى ايلىق مەرزىم ىشىندە عالىمدار:
- باتىس قازاقستانداعى ورتا عاسىرلارداعى تاريحي-مادەني پروتسەستەردى قايتا جاڭعىرتىپ، كوشپەلى جانە وتىرىقشى حالىقتىڭ ەسكەرتكىشتەرىن زەرتتەيدى;
- مۇعالجار، حرومتاۋ، قوبدا جانە تەمىر اۋداندارىندا دالالىق ارحەولوگيالىق بارلاۋ جۇمىستارىن جۇرگىزەدى;
- وبلىستاعى ورتا عاسىر داۋىرىندەگى جەرلەۋ، قونىستانۋ، ءدىني-عيبادات سيپاتىنداعى ارحەولوگيالىق وبەكتىلەردى انىقتاپ، تىركەۋگە الادى;
- ەسكەرتكىشتەردى كارتاعا تۇسىرەدى;
- ءاربىر ەسكەرتكىشتى ناقتى تەكسەرەدى (جەرگىلىكتى جەردەگى ەسكەرتكىشتەرگە ەگجەي-تەگجەيلى تالداۋ جاساپ، مۇراعات ماتەريالدارىن پايدالانا وتىرىپ، عىلىمي ەسەپتەر جاساپ، ارحەولوگيالىق ادەبيەتتەردى زەردەلەيدى);
- ەسكەرتكىشكە فوتو، ۆيدەوعا تۇسىرەدى (نەعۇرلىم جارقىن جانە تىرەك ەسكەرتكىشتەردە ورتوفوتوپلان جاساۋ ءۇشىن اەروفوتوتۇسىرىلىم جۇرگىزۋ);
- تاريحي جادىگەرلەردى پاسپورتتاۋ ءۇشىن ەسكەرتكىشتەردىڭ كوورديناتتارىن ايقىندايدى;
- ەسكەرتكىشتەردىڭ سيپاتتاماسىن جاساۋ (شارتتارى وتە كوپ);
- ەتنوگرافيالىق دەرەكتەردى تارتا وتىرىپ، ورتا عاسىر ەسكەرتكىشتەرىندەگى دالالىق ارحەولوگيالىق قازبالار جۇرگىزەدى; (ابات-بايتاق كەشەنى وكرۋگىندە، وركاش قورىمىندا، ويسىلقارا جانە موڭعولساي كيەلى جەرلەرى وكرۋگىندە، تاسقۇدىق جانە كوپتام قورىمدارىندا، ت.ب).
قانات بىرلىكۇلى،
"ادىرنا" ۇلتتىق پورتالى
ۇقساس جاڭالىقتار
