قازاقستاندا بەنزين ءوندىرۋ كورسەتكىشى تومەندەدى. بۇل تۋرالى ۇلتتىق ستاتيستيكا بيۋروسى ءمالىم ەتتى، دەپ حابارلايدى «ادىرنا» ءتىلشىسى.
2024 جىلدىڭ ناۋرىز ايىندا 437 مىڭ توننا بەنزين شىعارىلدى. بۇل اقپان ايىنداعى ءوندىرىس كولەمىنەن 1,4%-عا تومەن بولىپ وتىر.
ستاتيستيكالىق مالىمەتتەرگە سايكەس، ناۋرىزدا 454 مىڭ توننا (+12,5 %) گازويل، 189 مىڭ توننا (+8,3 %) مازۋت، 60 مىڭ توننا — 5,6 %) كەروسين ءوندىرىلدى.
ەسكە سالايىق، بۇعان دەيىن ەلىمىزدە اي-92 بەنزينىنە تاۋلىگىنە 100 ليترگە دەيىن شەكتەۋ ەنگىزىلەتىنىن جازعان ەدىك. شەتەلدىكتەر ءۇشىن وتىننىڭ بۇل ءتۇرى ايتارلىقتاي قىمباتتايدى، ال ديزەل، كەرىسىنشە، ارزاندايدى.
12 ساۋىردە ەنەرگەتيكا ءمينيسترىنىڭ «باعالاردى مەملەكەتتىك رەتتەۋ بەلگىلەنگەن مۇناي ونىمدەرىن بولشەك ساۋدادا وتكىزۋگە شەكتى باعالاردى بەلگىلەۋ تۋرالى» بۇيرىعى كۇشىنە ەندى.
قۇجاتقا سايكەس شەكتى باعالار:
- اي-92 جانە اي-93 ماركالى بەنزين ليترىنە 205 تەڭگەگە دەيىن;
- ديزەل وتىنى ليترىنە 295 تەڭگەگە دەيىن قۇرايدى.
