Qazaqstanda benzın óndirý kórsetkishi tómendedi. Bul týraly Ulttyq statıstıka bıýrosy málim etti, dep habarlaıdy «Adyrna» tilshisi.
2024 jyldyń naýryz aıynda 437 myń tonna benzın shyǵaryldy. Bul aqpan aıyndaǵy óndiris kóleminen 1,4%-ǵa tómen bolyp otyr.
Statıstıkalyq málimetterge sáıkes, naýryzda 454 myń tonna (+12,5 %) gazoıl, 189 myń tonna (+8,3 %) mazýt, 60 myń tonna — 5,6 %) kerosın óndirildi.
Eske salaıyq, buǵan deıin elimizde AI-92 benzınine táýligine 100 lıtrge deıin shekteý engiziletinin jazǵan edik. Sheteldikter úshin otynnyń bul túri aıtarlyqtaı qymbattaıdy, al dızel, kerisinshe, arzandaıdy.
12 sáýirde Energetıka mınıstriniń «Baǵalardy memlekettik retteý belgilengen munaı ónimderin bólshek saýdada ótkizýge shekti baǵalardy belgileý týraly» buıryǵy kúshine endi.
Qujatqa sáıkes shekti baǵalar:
- AI-92 jáne Aı-93 markaly benzın lıtrine 205 teńgege deıin;
- dızel otyny lıtrine 295 teńgege deıin quraıdy.
