Экс-президент Нұрсұлтан Назарбаевтың күйеу баласы, миллиардер Тимур Құлыбаевтың бақылауындағы Atlas Development және Omirex компаниялары әл-Фараби атындағы Қазақ ұлттық университетінің (ҚазҰУ) бизнеске өткен жер учаскелері бойынша өткен сотта жеңілді, деп хабарлайды “Адырна” ұлттық порталы.
«Алматы қаласы, әл-Фараби даңғылының солтүстігінде, Есентай өзенінің батысында, жерасты автотұрағы бар көпқабатты бизнес орталығын салу мақсатындағы кадастрлық жер учаскесін «OMIREX» ЖШС мен «ATLAS DEVELOPMENT» ЖШС арасында жасалған 2017 жылғы 9 қарашадағы No9338 сатып алу-сату шарты жарамсыз деп танылсын», - делінген Алматы қаласының мамандандырылған ауданаралық экономикалық сотының қаулысында.
Әкімдіктің шешімдері, сондай-ақ аталған барлық мәмілелер 2024 жылғы 9 сәуірде соттың шешімімен жарамсыз деп танылды.
“Қазақстандағы компаниялардың сенімділігіне қызмет көрсететін Kompra компаниясының мәліметінше, Atlas Development-тың құрылтайшылары «Кипрос» ЖШС және «Joint Technologies» ЖШС болып табылады. Соңғы компания Шынар Елимисовамен бірге Omirex-тің негізін қалаушы болып табылады.
Kipros компаниясының негізгі иесі Құлыбаев, сол компания арқылы Назарбаевтың күйеу баласы Joint Technologies компаниясын басқарады”, деп жазады КазТАГ.
