قورعانىس ءمينيسترى نۇرلان ەرمەكباەۆ ارىس تۇرعىندارىنان كەشىرىم سۇرادى. بۇل تۋرالى ۆەدومستۆو باسشىسى ءباسپاسوز كونفەرەنتسياسىندا مالىمدەدى، - دەپ حابارلايدى Tengrinews.kz ءتىلشىسى.
"جاۋاپكەرشىلىك پەن كىنانى شاتاستىرۋدىڭ قاجەتى جوق. كىنانى سوت انىقتايدى. اشىق تۇردە ايتايىن، ءوزىم كەزدەسكەن ارىس تۇرعىندارىنان كەشىرىم سۇرادىم. مەن بىرازىمەن كەزدەستىم، ولاردىڭ اراسىندا زارداپ شەككەندەر دە بار، ەۆاكۋاتسيالانعاندار دا بار. زارداپ شەككەندەرمەن كەزدەسۋ بارىسىندا تاعى دا كەشىرىم سۇراۋعا دايىنمىن. بىراق مەنىڭشە، اسكەريلەردىڭ باستى ماقساتى - ءسوز سويلەۋ مەن ءپوپۋليزمدى دامىتۋ ەمەس، ىسپەن كورسەتىپ، بولعان جاعدايدى قالپىنا كەلتىرۋ دەپ بىلەمىن", - دەدى نۇرلان ەرمەكباەۆ.
ۆەدومستۆو باسشىسى، قازىرگى ۋاقىتتا قارۋلى كۇشتەر ساپىندا جۇرگەندەردىڭ اراسىندا وسىنىڭ بارلىعىنا جاۋاپ بەرەتىن قورعانىس ءمينيسترى سەكىلدى قاتتى ۋايىمداپ جۇرگەن جان جوق ەكەنىن ايتتى.
