Qorǵanys mınıstri Nurlan Ermekbaev Arys turǵyndarynan keshirim surady. Bul týraly vedomstvo basshysy baspasóz konferenııasynda málimdedi, - dep habarlaıdy Tengrinews.kz tilshisi.
"Jaýapkershilik pen kináni shatastyrýdyń qajeti joq. Kináni sot anyqtaıdy. Ashyq túrde aıtaıyn, ózim kezdesken Arys turǵyndarynan keshirim suradym. Men birazymen kezdestim, olardyń arasynda zardap shekkender de bar, evakýaııalanǵandar da bar. Zardap shekkendermen kezdesý barysynda taǵy da keshirim suraýǵa daıynmyn. Biraq menińshe, áskerılerdiń basty maqsaty - sóz sóıleý men popýlızmdi damytý emes, ispen kórsetip, bolǵan jaǵdaıdy qalpyna keltirý dep bilemin", - dedi Nurlan Ermekbaev.
Vedomstvo basshysy, qazirgi ýaqytta Qarýly kúshter sapynda júrgenderdiń arasynda osynyń barlyǵyna jaýap beretin qorǵanys mınıstri sekildi qatty ýaıymdap júrgen jan joq ekenin aıtty.
