امانگەلدى كەڭشىلىكۇلى: باسپاناسىن قورعايمىن دەپ تاعدىرى تالكەككە تۇسكەن ادامنىڭ ءومىرى

1609
Adyrna.kz Telegram

پروزاعا قويىلاتىن تالاپتار  كۇشەيگەن زاماندا كولەمدى تۋىندى  تۇگىل، جازعان اڭگىمەڭدى دە ەلگە وقىتۋ وڭاي ەمەس. سوعان قاراماستان جازۋشى قانات ابىلقايىردىڭ «اعىراپتاعى اتى جوق ادام» اتتى بۇگىنگى كۇننىڭ شىندىعىن سۋرەتكەرلىك شەبەرلىكپەن جەتكىزگەن رومانىن باس الماي وقىپ شىقتىم.

سويلەمدەرىن تىم كۇردەلەندىرە بەرمەي، ءبىر وقيعادان سوڭ ەكىنشىسى جەتەلەپ، سوڭىنا جەتكەنشە ىنتىقتىرىپ، سيقىرلى الەمىنىڭ ورىسىنە ماگنيتتەي تارتىپ اكەتەتىن تۋىندى ءۇش ايدا جازىلعانىمەن، بۇل رومان اۆتوردىڭ قازان ميىندا ۇزاق جىلدار بويى قايناتىلىپ، تولعاعى كەلگەن ساتتە تۋا قالعان شىعارما سياقتى بولىپ كورىنەدى ماعان. شىعارمادا ادامداردىڭ تاعدىرىنان بولەك، ءدىني سەكتالار تاقىرىبى، تۇرمە تاقىرىبى ت.س.س. بىرنەشە تاقىرىپتار بار.

روماندى وقۋ بارىسىندا اۆتوردىڭ وسى تاقىرىپتاردى جان-جاقتى زەرتتەگەنىنە كوزىڭ جەتە تۇسەدى. باسپاناسىن قورعايمىن دەپ تاعدىرى تالكەككە تۇسكەن ءبىر ادامنىڭ ءومىرى ارقىلى بۇكىل ءبىر ۇلتتىڭ تراگەدياسىن سۋرەتتەيتىن تۋىندىنى تەبىرەنبەي وقۋ مۇمكىن ەمەس.

ادام ومىردە ءىزىن قالدىرۋ ءۇشىن تەڭىنە قوسىلىپ، شاڭىراق كوتەرىپ، ۇرپاق ءسۇيۋى ءتيىس. ال، وسىنداي نىعمەتتەردىڭ بارىنەن ايىرىلعان پەندەنى ارتىنا ءىز قالدىرعان، اتى بار ادام دەۋگە بولا ما؟  باس كەيىپكەردىڭ مىنا جالعان دۇنيەدەن تۇراق تابا الماي شەرمەندە كۇيگە دۋشار بولۋىنا كىنالى كىمدەر؟ اۆتور مۇنداي كۇرمەۋى كۇردەلى سۇراقتىڭ جاۋابىن ىزدەۋدى وقىرمان ەنشىسىنە قالدىرادى.

 

Amangeldi Myrzabek

 

 

پىكىرلەر