بۇگىن گرۋزيا پارلامەنتىندە شەتەلدىك اگەنتتەر تۋرالى زاڭ جوباسىن تالقىلاۋ كەزىندە جاپپاي توبەلەس بولدى. بۇل تۋرالى Sputnik گرۋزيانىڭ Telegram ارناسى جاريالادى، دەپ حابارلايدى “ادىرنا” ۇلتتىق پورتالى.
جيىن بارىسىندا وپپوزيتسيالىق «ازاماتتار» پارتياسىنىڭ جەتەكشىسى الەكو ەليساشۆيلي «شەتەلدىك ىقپالدىڭ اشىقتىعى تۋرالى» زاڭ جوباسىن ايتقان كەزدە وعان پارلامەنتتىك كوپشىلىكتىڭ جەتەكشىسى جانە «گرۋزين ارمانى – دەموكراتيالىق گرۋزيا» پارتياسىنىڭ اتقارۋشى حاتشىسى مامۋكا مدينارادزەگە شابۋىل جاسادى.
وسىدان كەيىن زالدا ۇجىمدىق توبەلەس باستالدى.
بيلىكتەگى «گرۋزين ارمانى» پارتياسى ءساۋىر ايىنىڭ باسىندا پارلامەنتكە «شەتەلدىك ىقپالدىڭ اشىقتىعى تۋرالى» زاڭ جوباسىن ۇسىنعان بولاتىن. ىلەسپە جازبادا باستامانىڭ كىرىسى، اسىرەسە 20%-دان استامى شەتەلدەن كەلەتىن كوممەرتسيالىق ەمەس زاڭدى تۇلعالاردى جانە باق-تى مىندەتتى تىركەۋدى كوزدەيتىنى اتاپ وتىلەدى.
ۇسىنىسقا سايكەس، «شەتەلدىك كۇشتەردىڭ مۇددەلەرىمەن» اينالىساتىن بارلىق ۇيىمدار ارنايى مەملەكەتتىك تىزىلىمدە تىركەلۋى ءتيىس. تىركەۋ كەزىندە الىنعان كىرىستى كورسەتىپ، دەكلاراتسيا تاپسىرۋ قاجەت.
بۇعان دەيىن ەۋرووداق گرۋزياعا شەتەلدىك اگەنتتەر تۋرالى زاڭنىڭ قابىلدانۋىنىڭ سالدارى تۋرالى ەسكەرتكەن بولاتىن.
سالدارىنان بۇگىن «شەتەلدىك ىقپالدىڭ اشىقتىعى تۋرالى» زاڭ جوباسىنا قارسى ازاماتتىق ۇيىمدار ۇيىمداستىرعان اكتسيا وتۋدە.
نارازىلىق بىلدىرۋشىلەر پارلامەنت عيماراتىنىڭ جانىنا جينالۋدا.
