تۇركىستان وبلىسى، كەنتاۋ قالاسىندا جاڭبىردىڭ سالدارىنان كوشەلەرگە س جينالدى، دەپ حابارلايدى "ادىرنا" ءتىلشىسى.
سۋ تاسقىنىنىڭ بەينەسى الەۋمەتتىك جەلىدە جاريالانعان. وقيعا 15 ساۋىردە بولعان.
كادرلاردا كولىك جولدارى مەن بازار ءىشى دە سۋعا تولىپ كەتىپ، سالدارىنان كاسىپ يەلەرىنىڭ ءبىرشاما زاتتارى بۇلىنگەنىن بايقاۋعا بولادى. ال تۇرعىندار اۆتوبەكەت پەن بازار ىشىندەگى توبىقتان اساتىن سۋدى كەشىپ جۇرۋگە ءماجبۇر بولعانىن ايتقان.
سونداي-اق بەيرەسمي جازبالاردا جاڭبىر سۋى بالا بۇرگەم ەلدىمەكەنىندەگى ءۇي اۋلالارىنا دەيىن جەتىپ، كەي ۇيلەرگە زاقىم كەلگەنى ايتىلۋدا. ءتىپتى بىر ءۇيدىڭ اۋلاسى مەن قوسىمشا قۇرىلىس نىسانىنىڭ ىشىنە كىرگەن سۋ ەكىنشى جاعىنان تەسىپ شىعىپ جاتقانىن تۇرعىندار ۆيدەوعا ءتۇسىرىپ العان.
"15 ءساۋىر كۇنى ساعات 16:00-دەن 17:10-عا دەيىن بولعان جاۋىن-شاشىننىڭ سالدارىنان كەنتاۋ قالاسىنداعى 3 جەكە تۇرعىن ءۇي مەن 1 ءۇيدىڭ جەرتولەسىن سۋ باستى. تجد كۇشتەرى مەن جەرگىلىكتى اكىمدىك قىزمەتكەرلەرى تاراپىنان سۋدى سورۋ جانە بۇرۋ جۇمىستارى جۇرگىزىلدى. جاعداي تۇراقتى", – دەلىنگەن اكىمدىك مالىمەتىندە.
