ىشكى ىستەر مينيسترلىگى سالتانات نۇكەنوۆانىڭ اناسىنىڭ بۇرىنعى ۇلتتىق ەكونوميكا ءمينيسترى قۋاندىق بيشىمباەۆ بالانى قاعىپ ءولتىردى دەگەن سوزىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى Tengrinews.kz-كە سىلتەمە جاساپ.
ايەلىن ۇرىپ ءولتىردى دەگەن كۇدىككە ىلىنگەن ۇلتتىق ەكونوميكا ەكس-ءمينيسترى قۋاندىق بيشىمباەۆقا قاتىستى سوت پروتسەسىندە جابىرلەنۋشىنىڭ اناسى ايىپتالۋشىنى بۇعان دەيىن دە قىلمىس جاسادى دەپ مالىمدەگەن بولاتىن.
"وتكەنىڭ تۋرالى ايتقىڭ كەلمەي مە؟ بالانى قالاي قاعىپ ولتىرگەنىڭ تۋرالى", - دەدى ول سوتتا.
مينيسترلىك بۇل اقپاراتقا قاتىستى تۇسىنىكتەمە بەردى.
«بۇل ادامعا قاتىستى قىلمىستىق قۋدالاۋ جانە ونى قىلمىستىق جاۋاپكەرشىلىككە تارتۋ تۋرالى مالىمەت جوق ەكەنىن حابارلايمىز»،—دەلىنگەن ءىىم جاۋابىندا.
