اتىراۋ وبلىسىنىڭ قۇلسارى قالاسىندا 2,5 مىڭ جەكە تۇرعىن ءۇي مەن اكىمشىلىك عيماراتتارىن سۋ باسىپ قالدى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەپ.
«اتىراۋ وبلىسىنىڭ قۇلسارى قالاسىندا ساعات 22.45-تەگى جاعداي بويىنشا 2500 جەكە تۇرعىن ۇيلەر مەن اكىمشىلىك عيماراتتاردى سۋ باسقان. جەرگىلىكتى ءوزىن-ءوزى باسقارۋ، توتەنشە جاعدايلار، پد، قم، ۇلتتىق ۇلان كۇشتەرىمەن تۇرعىنداردى ەۆاكۋاتسيالاۋ جالعاسۋدا. وسى ساعاتتا 4 مىڭنان استام ادام ەۆاكۋاتسيالاندى، ونىڭ 1 مىڭنان استامى بالالار»، - دەلىنگەن جۇما كۇنى تاراتقان حابارلامادا.
بۇعان دەيىن اتىراۋ وبلىسىنىڭ اكىمى سەرىك شاپكەنوۆ تۇرعىندارعا مالىمدەمە جاساعان بولاتىن.
