قازاقستان مەن وزبەكستان تەمىرجول سالاسىندا بىرلەسكەن كاسىپورىن قۇرماق. بۇل تۋرالى بۇگىن، 5 ساۋىردە حيۋا قالاسىندا وتكەن قاسىم-جومارت توقاەۆ پەن وزبەكستان پرەزيدەنتى شاۆكات ميرزيوەۆتىڭ بەيرەسمي كەزدەسۋى كەزىندە ايتىلدى، دەپ حابارلايدى «ادىرنا» ءتىلشىسى.
«ەكى ەل باسشىلارى وڭىردەگى ءوزارا ىنتىماقتاستىقتى نىعايتۋ ءۇشىن قازاقستان مەن وزبەكستاننىڭ تەمىرجول اكىمشىلىكتەرى اراسىندا بىرلەسكەن كاسىپورىن قۇرۋ تۋرالى باستاماعا قولداۋ ءبىلدىردى. بۇل بىرلەسكەن كاسىپورىندى قۇرۋداعى ماقسات: قىتاي – قازاقستان – وزبەكستان باعىتىنداعى جۇك تاسىمالىن ۇيىمداستىرۋ ءۇشىن قازاق-قىتاي شەكاراسىنداعى جانە وزبەكستانداعى جۇك تەرمينالدارىن ءوزارا ءتيىمدى نەگىزدە پايدالانۋ»،—دەلىنگەن حابارلامادا.
اتالعان جوبا ەكىجاقتى ساۋدانى جانداندىرىپ، تاۋار تاسىمالىنىڭ كولەمىن ارتتىرۋعا ىقپال ەتەدى، سونداي-اق وڭتۇستىك باعىتتاعى جۇك تاسىمالىن ۇلعايتۋعا قولايلى جاعداي تۋعىزادى.
بىرلەسكەن كاسىپورىن ترانساۋعان باعىتىن دامىتۋعا جۇمىلدىرىلادى.
