قاراعاندى وبلىسىنىڭ تۇرعىنى ءوز بالالارىن ءولتىردى دەگەن كۇدىككە ءىلىندى. بۇل تۋرالى وبلىستىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
قايعىلى وقيعا 4 ساۋىردە بولعان. ەكى جانە ءتورت جاسار ەكى بالانىڭ دەنەسى بۇقار جىراۋ اۋدانىنداعى شاعىن اۋىلداعى ۇيلەردىڭ بىرىنەن تابىلعان.
«سوتقا دەيىنگى تەرگەۋ باستالدى. قىلمىس جاسادى دەگەن كۇدىكپەن بالالاردىڭ اناسى ۇستالدى. ول ۋاقىتشا ۇستاۋ يزولياتورىنا قامالدى»،—دەدى پوليتسيا دەپارتامەنتى.
قىلمىستىق ءىس قاراعاندى وبلىستىق پوليتسيا دەپارتامەنتى باستىعىنىڭ باقىلاۋىندا. باسقا اقپارات جاريا ەتىلمەيدى.