بەلگىلى جۋرناليست عادىلبەك شالاحمەتوۆ 81 جاسقا قاراعان شاعىندا ومىردەن ءوتتى. اقپاراتتى قازاقستان جۋرناليستيكا اكادەمياسى راستادى، دەپ حابارلايدى “ادىرنا” ۇلتتىق پورتالى.
عادىلبەك شالاحمەتوۆ – كەڭەستىك، قازاقستاندىق پۋبليتسيست، 300-دەن استام عىلىمي جانە پۋبليتسيستيكالىق ماقالالاردىڭ اۆتورى، ستسەناريست. قازاقستان ۇلتتىق جاراتىلىستانۋ عىلىمدارى اكادەمياسىنىڭ اكادەميگى.
ەڭبەك جولىن قازاكستان عىلىم اكادەمياسىنىڭ مەتاللۋرگيا جانە بايىتۋ ينستيتۋتىندا جۇمىسشى، اپپاراتشى بولىپ باستادى. ينستيتۋتتى تامامداعاننان كەيىن وكمك-ندا بالقىتۋشى بولىپ ىستەدى.
1967-1974 جىلدارى قازاق تەلەديدارى باعدارلامالارىنىڭ رەداكتورى، باس رەداكتورى بولدى.
1975 جىلى كسرو مەملەكەتتىك كينوسىنا قاراستى ستسەناري جازۋشىلار مەن رەجيسسەرلەرگە ارنالعان جوعارى كۋرسىن ءبىتىردى.
1976-1982 جىلدارى قكسر مەملەكەتتىك تەلە-راديو ءبولىمىنىڭ مەڭگەرۋشىسى، قازاق تەلەديدارىنىڭ ناسيحاتتاۋشى باس رەداكتورى، كوممەنتاتورى، ءبولىم مەڭگەرۋشىسى بولدى.
1982-1983 جىلدارى قكسر مەملەكەتتىك كينوسىنىڭ باس رەداكتورى، 1983-1986 جىلدارى قكسر مەملەكەتتىك تەلە-راديو كوميتەتى توراعاسىنىڭ ورىنباسارى قىزمەتىن اتقاردى.
1986-1990 جىلدارى – قكسر تەلەديدار جانە راديوتارالىم جونىندەگى مەملەكەتتىك كوميتەتىنىڭ توراعاسى.
1991-1992 جىلدارى قازاق كسر ءباسپاسوز جانە بۇقارالىق اقپارات قۇرالدارى ءمينيسترىنىڭ ءبىرىنشى ورىنباسارى – قازاق مەملەكەتتىك تەلەراديوحابار تاراتۋ كومپانياسىنىڭ توراعاسى بولدى.
1992 جىلى – قر پرەزيدەنتى ءباسپاسوز قىزمەتىنىڭ جەتەكشىسى.
مەملەكەتارالىق «مير» تەلەراديوكومپانياسىنىڭ نەگىزىن قالاۋشى. 1993 جىلدىڭ قاڭتارىنان 2002 جىلدىڭ مامىرىنا دەيىن «مير» مەملەكەتارالىق تەلەراديوكومپانياسىنىڭ پرەزيدەنتى بولدى.
1996 جىلدان باستاپ الەم حالىقتارىنىڭ بۇكىلالەمدىك كلۋبىنىڭ اكادەميگى.
2000 جىلى – قر پرەمەر-ءمينيسترىنىڭ شتاتتان تىس كەڭەسشىسى.
2000-2004 جىلدارى – «قازينفورم» اقپاراتتىق اگەنتتىگىنىڭ پرەزيدەنتى.
2004-2007 جىلدارى – قر پارلامەنت ءماجىلىسىنىڭ دەپۋتاتى.
2007-2009 جىلدارى «سامۇرىك» اق پرەزيدەنتىنىڭ كەڭەسشىسى.
قازاقستان ۇلتتىق جاراتىلىستانۋ عىلىمدارى اكادەمياسىنىڭ (قازۇجعا) اكادەميگى
2009 جىلدان باستاپ ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندەگى جۋرناليستيكا جانە ساياساتتانۋ فاكۋلتەتىنىڭ تەلە-راديو جانە قوعاممەن بايلانىس كافەدراسىنىڭ مەڭگەرۋشىسى بولدى.
