بىلتىر اقپاراتتىق قىزمەتىنىڭ جاڭالىقتارى جاريالاناتىن Almaty TV News اككاۋنتتاعى جازىلۋشىلار سانى 100 000 مەجەدەن اسقان. جاقىندا ۆيدەوحوستينگ وكىلى سالتاناتتى تۇردە تەلەارناعا «كۇمىس» باتىرماسىن تابىستادى.
بۇگىندە «Almaty TV» تەلەارناسىنىڭ نەگىزگى Youتube اككاۋنتىندا «التىن» جانە «كۇمىس» تۇيمەلەرى بار. قازىر ارناداعى جازىلۋشىلاردىڭ سانى 1 ميلليون 220 مىڭنان استى.
اقپاراتتىق قىزمەت پەن ينتەرنەت-جوبالار ءبولىمىنىڭ جۋرناليستەرى بىرنەشە جىلدان بەرى وسى ناتيجەگە جەتۋ ءۇشىن تىنىمسىز ەڭبەك ەتىپ كەلەدى.
ايتا كەتۋ كەرەك، ارنانىڭ YouTube ەسەپتىك جازباسى – بىرنەشە اقپارات اعىنىنىڭ كۆينتەسسەنتسياسى. بۇل – ىشكى وندىرىستەگى مىڭداعان قارالىم جينايتىن جاڭالىقتار، باعدارلامالار مەن تەلەحيكايالار.
تىنىمسىز ەڭبەكتىڭ ناتيجەسىندە جاڭا جەتىستىك – «الماتى جاڭالىقتارى» 100 000 تۇراقتى كورەرمەنگە يە بولدى.
ارنا كورەرمەندەرى ەلدەگى ەلەۋلى وقيعالارعا كۋا بولادى، تىڭ تاقىرىپتار توڭىرەگىندە وي قوزعايتىن كونتەنتتى تۇتىنا الادى. قىزىقتى جانە جەدەل اقپارات تاراتۋشىلاردىڭ ەڭبەگىن جوعارى باعالاپ، بۇل جەتىستىگىمەن شىن جۇرەكتەن قۇتتىقتايمىز!
