ىستامبۇلدا ويىن-ساۋىق ورتالىقتارىنىڭ بىرىندە ءورت شىعىپ، ادام شىعىنى بولدى، دەپ حابارلايدى "ادىرنا" ۇلتتىق پورتالى انادولى اقپارات اگەنتتىگىنە سىلتەپ.
بۇگىن، 2 ساۋىردە ويىن-ساۋىق ورتالىعىنان ءورت شىعىپ، 29 ادام قازا تاپتى.
جەرگىلىكتى بيلىكتىڭ مالىمەتىنشە، ءورت عيماراتتاعى جوندەۋ جۇمىستارى كەزىندە شىققان.
بەشىكتاس اۋدانىنداعى 16 قاباتتى عيماراتتىڭ ءبىرىنشى استىندا ورنالاسقان.
«الدىن الا مالىمەت بويىنشا، ءورت عيماراتتىڭ ءبىرىنشى قاباتىندا جۇمىس ىستەيتىن «Masquerade» ويىن-ساۋىق ورتالىعىندا جوندەۋ جۇمىستارىنىڭ سالدارىنان تۇتانعان. ءورت تۋرالى حابارلاما العاننان كەيىن وقيعا ورنىنا ءورت سوندىرۋشىلەر مەن دارىگەرلەر جىبەرىلگەن. ءورت تولىعىمەن ءسوندىرىلدى. سالدارىنان 29 ادام قازا تاپتى. ءبىر ادام اۋىر حالدە اۋرۋحاناعا جەتكىزىلىپ، ەمدەلۋىن جالعاستىرۋدا»، - دەلىنگەن اگەنتتىكتىڭ حابارلاماسىندا.
