مەملەكەت باسشىسى سۋ تاسقىنىنان زارداپ شەككەن وڭىرلەردىڭ بىرىنە بارادى، دەپ حابارلايدى "ادىرنا" ءتىلشىسى.
پرەزيدەنت قاسىم-جومارت توقاەۆ 4 ءساۋىر كۇنى جۇمىس ساپارىمەن سۋ تاسقىنىنان وڭىرلەردىڭ بىرىنە بارماق.
"مەملەكەت باسشىسى قاسىم-جومارت توقاەۆ 4 ساۋىردە سۋ تاسقىنىنان زارداپ شەككەن وڭىرلەردىڭ بىرىنە جۇمىس ساپارىمەن بارادى. ساپار تۋرالى قوسىمشا اقپارات كەيىنىرەك حابارلانادى", – دەپ جازدى بەرىك ءۋالي Facebook جەلىسىندەگى پاراقشاسىندا.
ايتا كەتەيىك، بۇگىن ۇكىمەت وتىرىسىندا توتەنشە جاعدايلار ۆيتسە-ءمينيسترى 5 وبلىستا ءالى دە سۋ باسۋ ايماعىندا ەكەنىن اتاپ وتكەن بولاتىن.
