رەسەيدە اۆتوبۋس پەن پويىز سوعىسىپ، جەتى ادام قايتىس بولدى، دەپ حابارلايدى "ادىرنا" ءتىلشىسى ria.ru-عا سىلتەمە جاساپ.
وقيعا رەسەيدىڭ ياروسلاۆ وبلىسىندا بولعان. اگەنتتىكتىڭ مالىمەتىنشە جەتى ادام كوز جۇمعان.
قازىرگى كەزدە وقيعا ورنىندا پوليتسيا قىزمەتكەرلەرى، دارىگەرلەر مەن توتەنشە جاعدايلار قىزمەتىنىڭ ماماندارى جۇمىس ىستەپ جاتقانى حابارلاندى.
باق-تا رەيستىك اۆتوبۋس پەن ەكسپرەسس پويىز سوعىسقانى ايتىلۋدا.
"پويىز بەن اۆتوبۋستىڭ سوقتىعىسۋى سالدارىنان جەتى ادام قازا تاپقان پەرەسلاۆل-زالەسسكي ماڭىنداعى وتكەلدىڭ ديسپەتچەرى ماس بولعان", - دەپ حابارلادى ياروسلاۆل وبلىسىنىڭ گۋبەرناتورى ميحايل ەۆراەۆ.
وقيعا سالدارىنان جەتى ادام قازا تاپقان. قازىر قايعىلى وقيعانىڭ سەبەپتەرى مەن ءمان-جايى انىقتالىپ جاتىر.
