تۇركيانىڭ ارتۆين پروۆينتسياسىنداعى حوپا اۋدانىندا سۋاستى ۇشقىشسىز اپپاراتى انىقتالدى. وسىعان بايلانىستى توتەنشە جاعدايلار قىزمەتتەرى دايىندىق رەجيمىنە كەلتىرىلدى. بۇل تۋرالى Gazete Vatan جازدى،دەپ حابارلايدى "ادىرنا".
باسىلىمنىڭ مالىمەتىنشە، قۇرىلعى حوپا پورتى مەن ەسەنكىيى جاعالاۋى ماڭىنان بايقالعان. وقيعا ورنىنا جاعالاۋ كۇزەتى بولىمشەلەرى جىبەرىلدى.
اپپارات جاعالاۋعا جاقىن ورنالاسقاندىقتان، ايماقتا قاۋىپسىزدىك شارالارى كۇشەيتىلگەن. اتاپ ايتقاندا، كەمالپاشا مەن حوپا اراسىنداعى اۆتوجول ەكى باعىتتا دا جابىلدى.
قازىرگى ۋاقىتتا توتەنشە جاعدايلار قىزمەتتەرىنىڭ جۇمىسى جالعاسىپ جاتىر.
اپپاراتتىڭ ناقتى سيپاتتامالارى مەن قايدان شىققانى جۇرگىزىلىپ جاتقان تەرگەۋ اياقتالعاننان كەيىن انىقتالادى.
ۇقساس جاڭالىقتار
