تاشكەنت پەن انكارا كەڭەيتىلگەن اسكەري كەلىسىمگە قول قويدى. بۇل تۋرالى تۇركيانىڭ ۇلتتىق قورعانىس مينيسترلىگىنىڭ ءباسپاسوز قىزمەتى سالىمدەدى، دەپ حابارلايدى "ادىرنا" ۇلتتىق پورتالى.
بۇل قۇجاتقا تۇركيا پرەزيدەنتى رەجەپ تايىپ ەردوعاننىڭ وزبەكستانعا رەسمي ساپارى بارىسىندا قول قويىلدى. ونى ەكى رەسپۋبليكانىڭ قورعانىس مينيسترلەرى – تۇرىك تاراپىنان حۋلۋسي اكار جانە وزبەك تاراپىنان باحودير كۋربانوۆ ماقۇلدادى.
تولىق اقپارات بەرىلگەن جوق. كەلىسسوزدەردەن كەيىنگى ءباسپاسوز ءماسليحاتىندا ەردوعان وزبەكستانمەن قورعانىس ونەركاسىبىندە ىنتىماقتاستىقتى دامىتۋ ءۇشىن ۇلكەن الەۋەت بار ەكەنىنە نازار اۋداردى.
پرەزيدەنت تۇركيانىڭ بۇل سالاداعى جەتىستىكتەرى ايقىن ەكەنىن، ونىڭ «ۇلكەن الەۋەتى بار» ەكەنىن جانە ونى وزبەكستانمەن بولىسۋگە دايىن ەكەنىن اتاپ ءوتتى.
وزبەكستان-تۇركيا جوعارى دەڭگەيدەگى ستراتەگيالىق ىنتىماقتاستىق كەڭەسى وتىرىسى باستالار الدىندا ءسوز سويلەگەن ەردوعان تۇركيانىڭ جان-جاقتى ستراتەگيالىق سەرىكتەسى، دوس جانە باۋىرلاس ەل وزبەكستانعا قولداۋ كورسەتۋدى جالعاستىراتىنىن ايتتى، دەپ حابارلايدى Anadolu. ول جينالعانداردى ناۋرىز مەرەكەسىمەن قۇتتىقتادى.
"ادىرنا" ۇلتتىق پورتالى
