ء"تىلى ءتاتتى بۇزاۋ ەكى ەنەنى قاتار ەمەدى". ۇلتتىق قاۋىپسىزدىك كوميتەتى مەن شەكارا قىزمەتى قازاق جانە وزگە ەلدىڭ ازاماتتىعىن قاتار ارقالاپ جۇرگەن 54 ادامدى انىقتادى، دەپ حابارلايدى "ادىرنا" ۇلتتىق پورتالى.
"2023 جىلعى قاڭتاردا قر ۇلتتىق قاۋىپسىزدىك كوميتەتى شەكارا قىزمەتى وتكىزۋ پۋنكتتەرىندە قوس ازاماتتىعى بار ادامداردىڭ شەكارادان ءوتۋىنىڭ 54 فاكتىسىن انىقتادى. زاڭ بۇزۋشىلاردىڭ نەگىزگى بولىگى - رەسەي، تۇركيا جانە قىتاي ەلىنىڭ ازاماتتارى", - دەپ باياندادى قر ۇقك شەكارا قىزمەتى.
قازىر ولاردىڭ بارلىعىن پوليتسيا ورگاندارىندا تەرگەپ-تەكسەرىپ جاتىر. الداعى ۋاقىتتا دا قوس ازاماتتىق العانداردى انىقتاۋ جۇمىسى كۇشەيتىلگەن سىپاتتا جالعاسادى.
"ادىرنا" ۇلتتىق پورتالى
