بۇگىن الماتى اكىمى باقىتجان ساعىنتاەۆ شاھارىمىزداعى پوليتسيا دەپارتامەنتى جانە قوعامدىق كەڭەسپەن جيىن وتكىزدى. بۇل تۋرالى اكىم فەيزبۋكتاعى پاراقشاسىندا جاريالادى.،
وندا قالامىزداعى كەلەڭسىز جايتتاردى جانە مەگاپوليستە قاۋىپسىزدىك پەن قۇقىقتىق ءتارتىپتى كۇشەيتۋدىڭ الداعى شارالارى تالقىلاندى دەپ كورسەتىلگەن.
"ۇرلىققا، بۇزاقىلىققا، توناۋعا جانە ناشاقورلىققا قارسى كۇرەستى بارىنشا كۇشەيتۋ قاجەت. مۇندا پاترۋلدىك پوليتسيانىڭ جۇمىسىن قايتا قاراپ، ۆيدەوباقىلاۋ جەلىسىن كەڭەيتكەن ءجون. پوليتسيا دەپارتامەنتىنە ۋچاسكەلىك پۋنكتتەرگە تەكسەرۋ جۇرگىزۋدى، مودەرنيزاتسيا بويىنشا ۇسىنىس بەرۋدى تاپسىردىم." - دەدى اكىم ءوز پاراقشاسىندا.
بۇدان بولەك: "جەرگىلىكتى زاڭناماعا سايكەس بۇرىن ۇستالعان زاتتاردى قۇجاتسىز جانە تىركەۋسىز وتكىزۋ ماسەلەسىن زەرتتەۋ جانە ۇسىنىس بەرۋ قاجەت." - دەگەندى دە اتاپ ءوتتى باقىتجان ساعىنتاەۆ. سونداي-اق، پوليتسيا جۇمىسىن حالىقتىڭ سەنىمى ارقىلى باعالاۋ كەرەك دەگەن ءۋاجدى دە العا تارتتى شاھار باسشىسى.
"ادىرنا" ۇلتتىق پورتالى
