ارىس قالاسىندا قايىرىمدىلىق جارمەڭكەسى ءوتتى

2151
Adyrna.kz Telegram

تۇركىستان وبلىسىنىڭ اكىمى ومىرزاق شوكەەۆتىڭ باستاماسىمەن ارىس قالاسىنىڭ ورتالىق الاڭىندا جەرگىلىكتى تۇرعىندارعا ارنالعان اۋىل شارۋاشىلىعى ونىمدەرىنىڭ جارمەڭكەسى ءوتتى. جارمەڭكەگە 50-گە جۋىق تاۋاروندىرۋشىلەر، 180 توننادان استام اۋىل شارۋاشىلىعى ونىمدەرى قويىلدى. ونىمدەر قالا تۇرعىندارىنا بازار نارقىنان 30 پايىزعا تومەن باعادا ۇسىنىلدى.
جارمەڭكەگە جەتكىزىلەتىن ونىمدەر بارلىق اۋدان، قالالاردىڭ دامۋ باسىمدىلىقتارىنا سايكەس ءوندىرىلىپ، جيناقتالعان.
ايتا كەتەرلىگى، جارمەڭكەگە جەتكىزىلەتىن ەت جانە ەت ونىمدەرىنىڭ جالپى كولەمى - 22,5 توننا، كوكونىستىڭ جالپى كولەمى – 54,5 توننا، ءسۇت ونىمدەرىنىڭ جالپى كولەمى – 24,4 توننا، باقشا ونىمدەرىنىڭ جالپى كولەمى – 41 توننا، جەمىس-جيدەكتىڭ جالپى كولەمى – 16,7 توننا، اسەلدىڭ كولەمى – 2 توننا، بالىقتىڭ كولەمى – 5 توننا.
بۇدان بولەك، جارمەڭكەگە وبلىسقا تانىمال ونەرپازدار قاتىسىپ، ارىستىقتارعا ءوز كونتسەرتتىك باعدارلامالارىن ۇسىندى. الداعى ۋاقىتتا جەرگىلىكتى تۇرعىندارعا ارنالعان جارمەڭكە جالعاسىن تاباتىن بولادى.

 

تۇركىستان وبلىسى اكىمىنىڭ ءباسپاسوز قىزمەتى

"ادىرنا" ۇلتتىق پورتالى

پىكىرلەر