Túrkistan oblysynyń ákimi Ómirzaq Shókeevtiń bastamasymen Arys qalasynyń ortalyq alańynda jergilikti turǵyndarǵa arnalǵan aýyl sharýashylyǵy ónimderiniń jármeńkesi ótti. Jármeńkege 50-ge jýyq taýaróndirýshiler, 180 tonnadan astam aýyl sharýashylyǵy ónimderi qoıyldy. Ónimder qala turǵyndaryna bazar narqynan 30 paıyzǵa tómen baǵada usynyldy.
Jármeńkege jetkiziletin ónimder barlyq aýdan, qalalardyń damý basymdylyqtaryna sáıkes óndirilip, jınaqtalǵan.
Aıta keterligi, jármeńkege jetkiziletin et jáne et ónimderiniń jalpy kólemi - 22,5 tonna, kókónistiń jalpy kólemi – 54,5 tonna, sút ónimderiniń jalpy kólemi – 24,4 tonna, baqsha ónimderiniń jalpy kólemi – 41 tonna, jemis-jıdektiń jalpy kólemi – 16,7 tonna, áseldiń kólemi – 2 tonna, balyqtyń kólemi – 5 tonna.
Budan bólek, jármeńkege oblysqa tanymal ónerpazdar qatysyp, arystyqtarǵa óz konerttik baǵdarlamalaryn usyndy. Aldaǵy ýaqytta jergilikti turǵyndarǵa arnalǵan jármeńke jalǵasyn tabatyn bolady.
Túrkistan oblysy ákiminiń baspasóz qyzmeti
"Adyrna" ulttyq portaly
