بۇگىن - مەملەكەتتىك ەلتاڭبانىڭ اۆتورى، ساۋلەتشى جانداربەك مالىبەكوۆتىڭ تۋعان كۇنى. ءتىرى اڭىز 82 جاسقا تولدى.
قازاقستاننىڭ ەلتاڭباسىنىڭ اۆتورى جانداربەك مالىبەكوۆ 1942 جىلى قىزىلوردا وبلىسىنداعىجاڭاقورعان اۋدانىنىڭ ەكپىندى اۋىلىندا تەمىرجولشىلار وتباسىندا دۇنيەگە كەلدى. 1959 جىلى تاشكەنتكە وقۋعا تۇسەدى. 1965 جىلى وقۋدى ءتامامداپ، ەلگە ورالۋدى كوزدەيدى. سول جىلدارداعى كەڭەس ۇكىمەتى جۇرگىزگەن سولاقاي ساياساتتىڭ سالدارىنان جات ەلدە قالۋعا تۋرا كەلەدى. الايدا، ساۋلەتشى وتانىنا ورالارىنا سەندى.
سەنىمى الداماي، 2001 جىلى استاناعا كوشتى.
ايتا كەتەيىك، 1992 جىلدىڭ باسىندا قازاقستان رەسپۋبليكاسىنىڭ جاڭا مەملەكەتتىك رامىزدەرىن دايىنداۋعا بايقاۋ جاريالانعان بولاتىن. وسى بايقاۋعا كوپتەگەن تالانتتى اقىندار، سازگەرلەر، سۋرەتشىلەر مەن ساۋلەتشىلەر قاتىستى، ولاردىڭ قاتارىندا ج.مالىبەكوۆ تە بولعان.
1992 جىلعى ءساۋىر ايىنىڭ سوڭىندا ول ءوز جوباسىن قازاقستان رەسپۋبليكاسى جوعارعى كەڭەسىنىڭ كەڭسەسىنە تاپسىرادى. بايقاۋعا تۇسكەن 293 ەلتاڭبا نۇسقالارىنان جانداربەك مالىبەكوۆتىڭ جوباسى جەڭىپ شىقتى.
