ماسكەۋدەگى تەراكت كەزىندە قازا تاپقانداردىڭ جاڭا ءتىزىمى جاريالاندى. وندا 41 ادامنىڭ دەرەكتەرى بار، - دەپ حابارلايدى “ادىرنا” پورتالى.
ماسكەۋ وبلىسىنىڭ دەنساۋلىق ساقتاۋ مينيسترلىگى Crocus City Hall-دا بولعان تەراكتىدە قازا تاپقانداردىڭ جاڭارتىلعان ءتىزىمىن جاريالادى. قازا تاپقان 41 ادامنىڭ جەكە مالىمەتتەرى انىقتالدى.
فوتو: mz.mosreg.ru
ال Mash Telegram ارناسى كروكۋستاعى لاڭكەستىك ارەكەتتەن زارداپ شەككەن 44 ادامنىڭ، ونىڭ ىشىندە ەكى بالانىڭ جاعدايى ناشار ەكەنىن حابارلادى. زارداپ شەككەن تاعى 16 ادامنىڭ، ونىڭ ىشىندە ءبىر بالانىڭ جاعدايى تىم اۋىر.
ەستەرىڭىزگە سالا كەتەيىك، 22 ناۋرىز كۇنى كەشكە رەسەيدىڭ كروكۋس سيتي حوللىندا بەلگىسىز بىرەۋلەر ءىرى تەراكت جاساعان بولاتىن. الدىن الا مالىمەت بويىنشا، ونداعان ادام قازا تاۋىپ، 100-دەن استامى جارالانعان. كروكۋس سيتي حوللداعى تەراكتىگە بايلانىستى قازاقستان ازاماتتارى ءۇشىن سەنىم تەلەفونى اشىلدى. پرەزيدەنت قاسىم-جومارت توقاەۆ قازاقستان اتىنان ماسكەۋدەگى كروكۋس سيتي حوللداعى لاڭكەستىك ارەكەتتى قاتاڭ ايىپتادى. ايتا كەتەيىك، ۋكراينا لاڭكەستىك ارەكەتكە قاتىسى جوقتىعىن بىردەن ءمالىم ەتتى.
