فوتو: ASTRA
4 مامىرعا قاراعان ءتۇنى ماسكەۋدىڭ باتىس بولىگىندە، موسفيلم كوشەسى اۋدانىندا درون تۇرعىن ۇيگە سوعىلعانى تۋرالى اقپارات تارادى. بۇل جونىندە قالا مەرى سەرگەي سوبيانين مالىمدەدى، دەپ حابارلايدى “ادىرنا”.
ونىڭ ايتۋىنشا، الدىن الا دەرەكتەرگە سايكەس، ۇشقىشسىز ۇشۋ اپپاراتى تۇرعىن ءۇي عيماراتىنا كەلىپ تۇسكەن. «زارداپ شەككەندەر جوق. قىزمەتتەر وقيعا ورنىندا جۇمىس ىستەپ جاتىر»، – دەدى ول Telegram ارناسىندا. قوسىمشا مالىمەتتەر ازىرگە جاريالانعان جوق.
وقيعادان كەيىن بىرنەشە Telegram ارنالارىندا («وستوروجنو، موسكۆا»، Shot, Mash, Baza) موسفيلم كوشەسى بويىنداعى تۇرعىن ءۇي ماڭىندا جارىلىس دىبىسى ەستىلگەنى حابارلاندى. ولار زاقىم كەلگەن عيماراتتىڭ سۋرەتتەرىن دە تاراتقان.
Shot دەرەگىنە سايكەس، وقيعا رامەنكي اۋدانىنداعى ەليتالىق تۇرعىن ءۇي كەشەنى اۋماعىندا بولعان. ال Astra ارناسى زاقىمدانعان نىساننىڭ ناقتى مەكەنجايى موسفيلم كوشەسى ەكەنىن جازدى.
كۋاگەرلەردىڭ ايتۋىنشا، تۇرعىن ءۇيدىڭ قاسبەتى زاقىمدانىپ، بىرنەشە پاتەردىڭ تەرەزەلەرى سىنعان. قۇرىلىس قالدىقتارى اۋلا اۋماعىنا قۇلاعان. وقيعادان كەيىن ءۇي ماڭىنداعى كولىك قوزعالىسى شەكتەلىپ، اۋماق قورشاۋعا الىنعان.
سونىمەن قاتار سەرگەي سوبيانين ماسكەۋگە باعىت العان تاعى ەكى دروننىڭ اۋە شابۋىلىنا قارسى قورعانىس جۇيەلەرى ارقىلى جويىلعانىن حابارلادى.
