قازاقستاننىڭ ىشكى ىستەر ءمينيسترى ەرجان سادەنوۆ قاراعاندىداعى پوليتسيا بەكەتىنەن ايەل ادامنىڭ ءمايىتى مەن ەس-ءتۇسسىز جاتقان پوليتسەي تابىلعان وقيعانى ۇيات جاعداي دەپ اتادى، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساپ.
«بۇل جاعدايدى جاقسى دەپ ايتۋعا بولمايدى، بۇل – ۇياتتى ءىس. پوليتسيا قىزمەتكەرىنىڭ اتىنا كۇمان كەلەتىن جايت بولسا، ول وتە وكىنىشتى. قازىر وسى وقيعا بويىنشا قىلمىستىق ءىس قوزعالدى. ءتۇرلى نۇسقالار قارالىپ جاتىر، ءىستىڭ تولىق تەرگەلۋىن قامتاماسىز ەتەمىز. بۇل ءىس مەنىڭ جەكە باقىلاۋىمدا. اسىرەسە ادام ءولىمى مەن پوليتسيا قىزمەتكەرىنىڭ قاتىسى بار كەزدە بۇل – وتە اۋىر جاعداي. سول سەبەپتى وقيعا جايلى حابار تۇسكەن العاشقى مينۋتتاردان باستاپ باقىلاۋعا الىندى، تەرگەۋ ءجۇرىپ جاتىر»، – دەدى سادەنوۆ.
جۋرناليستەر پوليتسەيدىڭ ەسىرتكىلىك ماس كۇيدە بولعان-بولماعانى تۋرالى سۇراعاندا، مينيستر «نۇسقالار كوپ» دەپ قانا جاۋاپ بەردى.
ەسكە سالا كەتەيىك، 1 قازان كۇنى قاراعاندىداعى پوليتسيانىڭ تىرەك پۋنكتەرىنىڭ بىرىنەن ايەل ادامنىڭ ءمايىتى جانە ەس-ءتۇسسىز جاتقان پوليتسەي قىزمەتكەرى تابىلعانى تۋرالى جازعان ەدىك
