قازاقستان مەملەكەتتىك قىزمەتكەرلەردىڭ جالاقىسىنا جىلىنا 1 تريلليون تەڭگە جۇمسايدى، دەپ حابارلايدى "ادىرنا" ۇلتتىق پورتالى قارجى ءمينيسترى ءمادي تاكيەۆتىڭ مالىمدەمەسىنە سىلتەپ.
«مەن جالپى مەملەكەتتىك اپپاراتتىڭ جالاقىسى تۋرالى ايتا الامىن. بۇل سوما 1 تريلليون 32 مىڭ تەڭگەنى قۇرايدى، بۇل بارلىق مەملەكەتتىك قىزمەتكەرلەردىڭ ءبىر جىلدىق جالاقىسى»، - دەدى تاكيەۆ سەيسەنبى كۇنى ۇكىمەت بريفينگىندە.
سونىمەن قاتار، ءمينيستردىڭ ايتۋىنشا، مينيسترلىكتەردىڭ سانى 14-تەن 21-گە دەيىن وسكەنىمەن، جالپى شتات سانى كوبەيگەن جوق.
«مينيسترلىكتەردى ءبولۋ تۋرالى شەشىم قابىلداندى، بىراق شتات تولىقتىرىلماعان، سانى سول كۇيىندە قالدى. مەنىڭ بىلۋىمشە، 89 مىڭ مەملەكەتتىك قىزمەتكەر بار، ولاردىڭ سانى دا بۇرىنعىشا»، - دەپ قوستى باسقارما باسشىسى.
